Статистика
Онлайн всего: 1 Гостей: 1 Пользователей: 0
|
Главная » 2013 » Июль » 17 » Cайыҥҥы сынньалаҥнар
01:17 Cайыҥҥы сынньалаҥнар |
Сайыммыт барахсан хайыы үйэ ортолоото. Ону батыһан, Индигир орто оскуолатын үөрэнээччилэрэ сайыннарын туһалаахтык атааран эрэллэр. Сыл аайы оскуолабытыгар «Эдельвейс» » үлэ-сынньалаҥ лааҕыра үлэлиир. Ол чэрчитинэн, о5олор 3 сезон устата бэйэлэрин кыахтарынан үлэлииллэр. Сүрүн салайааччы Т.Н.Хадарова, иитээччилэринэн үлэлииллэр М.Д.Атласова уонна Г.Г.Слепцова. Минньигэс астаах повар-К.А.Уваровская. Сезон аайы 16 о5о үлэлээн,сынньанан сайын үтүөтүн дуоһуйа сомсор. Кыра эрдэҕиттэн үлэлии үөрэммит оҕо санаата күүстээх, этэ –хаана сайдыылаах, олоххо бигэ тирэхтээх буола улаатар. Ол иһин маннык үлэнэн иитэр, лааҕырдар улууспутугар өссө элбии –сайда турдахтарына оҕону чөл туруктаах гына иитэргэ көмөлөрө улахан буолуоҕа.
Агрооскуола уоппута киэҥник тэнийдэ.Олохтоохтор үчүгэйдик баһылаатылар бу оскуола уоппутун, хас биирдии ыал хортуосканы үүннэрэннэр, үүнүүнү өлгөмнүк ылаллар.
Маны сэргэ « Быйаҥ» от үлэтин лаа5ыра үлэлиир. Сүрүн салайааччы Р.В.Корякин, иитээччи С.Н.Слепцов, повар С.С.Терешкина үлэлииллэр. Бу лааҕырга 10 оҕо барда. Хомойуох иһин, күммүт-дьылбыт мөлтөх, күн аайы быстах ардах кэлэн түһэ турар…Оттуурга уустук балаһыанньа үөскээри гыммытын, дьон-сэргэ хараастан туран кэпсэтэллэр. Ол да буоллар, хайаан да итийиэхтээх, күннээх, итии күннэр туруохтара диэн бигэтик эрэнэбит.
Урукку сылларга алын сүһүөх үөрэнээччилэригэр анаан «Улыбка» диэн лаа5ыр баара. Быйыл сайын бу лаа5ыр хайысхатын уларыттылар, ол курдук алын сүҺүөх үөрэнээччилэрэ «Эдельвейс» үлэ-сынньалаҥ лааҕырыгар 3 сезоҥҥа бары хабыллан сынньаныахтара, Сынньалаҥы сэргэ үлэни ситимнээн, тото аһаан, сайыннарын туһалаахтык атаарыахтара.
Түгэнинэн туҺанан, сыл ахсын лааҕырдары минньигэс аһынан хааччыйар, « Мадина» маҕаһыын үлэһиттэрин, чуолаан хаһаайка- Аза …………..? уонна нэһилиэкпитигэр баар «Быйаҥ» маҕаһыын хаһаайыныгар Г.С.Слепцовка оҕолор, төрөппүттэр ааттарыттан барҕа махтал тыллларын тиэрдэбит. Олус минньигэс, элбэх битэмииннээх, көрүҥэ элбэх астарынан аһааммыт сайын устата биллэрдик улаатабыт, сайдабыт. «Мадина» уонна «Быйаҥ» ма5аһыын үлэһиттэригэр, хаһаайыттарыгар кытаанах доруобуйаны, ыраас халлааны, сахалыы сайаҕас санааны баҕарабыт.
Сергеева Надя-Намыына, Индигир нэһилиэгэ.
|
|
Просмотров: 392 |
Добавил: Намыына
| Рейтинг: 0.0/0 |
|
Календарь
| « Июль 2013 » | | Пн | Вт | Ср | Чт | Пт | Сб | Вс | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 | | 29 | 30 | 31 |
Горячая линия
ЕГЭ +7 (4112) 42-10-46
ОГЭ +7 (4112) 42-10-48
В Момском районе
+7 (41150) 2-11-29
|
| | |